| Naam | Johan van Sallant |
|---|---|
| Datum document | 1/9/1494 |
| Korte beschrijving | Akte van overeenkomst tussen burgemeester, schepenen en raad der stad Nijmegen enerzijds en het Schippersgilde anderzijds inzake het betalen van de schuld die de stad Nijmegen aan de stad Keulen te betalen heeft |
| Zegel | geen zegel |
| Transcriptie | Wij burgermeister schepenen ende rait der stat van Nijmegen doen kont allen luden ende bekennen in desen apenen brieve voir ons ende onse nakomelinge dat wij bij rade wille ende weten der meister van senter Claes gilde van onser ghemeynre stat wegen den meisture van Sent Oloffs bruedersschappen tot behueff onser burger schiplude ende koeplude die tot Coelne te verhantienen plegen om onser stat- scholt tot Coelne ende daer omlangs opten Rijn te betalen in handen ghestalt hebben ende stellen overmits desen brieve vijffhondert rijnssche gulden ’s iaers alsulx payments als wij van onssen renthen voeren die sij jairlix uyt onser gruten van den pechteren off verwaerres ander tijt manen heffen ende voeren sullen tot tween tijden ende termijnen vanden jair nementlic die een helffte tusschen Paisschen en Pynxten ende die ander helffte tusschen Sent Martens dach inden wynter ende den heyligen krossavont daer wij den pechten off verwaerres inder tijt alsulcken beveel aff doen sullen ende doen overmits desen brieve dat sij daer tot gheenre tijt ghebreck in en sullen laten vallen sij en sullen den meisteren van Sent Oloff dese vurscreven vijffhondert gulden ten vurscreven termijnen uytrichten eer sij onsen rentmeister ennich gelt dair af betalen ende off dair gebreck in vyell dat sij die vijffhondert gulden nyet all vander gruten gekregen ende kunden so gelaven wij onssen rentmeisteren inder tijt wesende alsulcken beveel dair aff te doen ’t welck wij hoen overmits desen onssen brieve doen dat sij dat ghebreck dat daer an weere vanden anderen onsser stat renthen daer bij leggen sullen sonder ennich wederseggen voirtmeere hebben wij den meister van Sent Oloffs brue- dersschapp vurscreven in hoeren handen ghestalt alle dat ghene dat van onsen schepelen koempt is sij vander verpachtinghe off verwaringe theynden alsulcke tachtentich rijnssche gulden ’s iaers erff jairrenthen als wij Johan van Sallant voer dair uyt bsegelt hebben na vermoigen sijns brieffs myt onser stat segell besegelt alsoe dat sij den overloep boven die tachtentich gulden vurscreven geheell ende all manen voeren ende ankeren sullen te vollenste onsser stat scholt tot Coelne ene daer omlanghs daer des is meest van noeden is mede te betalen daer wij hoeren gheven hynder in doen en sullen noch laten gheschien in eniger wijs ende dit sall staen ende daeren tertijt to ende so langh die dubbele termijnen der men tot Coelne vanden achterstedigen overkomen is omkomen ende betailt sullen sijn ende die tachtentich gulden ’s iaers die Johan van Sallant vurscreven toe voeren daer uyt besegelt sijn sullen wij den meysteren van Sinte Oloffs vurscreven jairlix laten voeren uter onss renthen wij uten toll to Nijmegen hebben so dat sij daer bij gheen ghebreck hebben en sullen sonder all argelist in orkonde der wairheyt so hebben wij onsser stat segell bij onsser rechter wetenheyt aen desen breiff doen han- ghen gegeven int jair onss heren dusent vierhondert vierendetnegentich dess dynxtdages na sent Johans dach decollacionen (1 september 1494) scripta et collacionata est presens copia ex suo vero originali nomen vicato nomen cencellato neque in aliqua sive parte suspecto sed omni prorsis vicio suspicione que carrensis cumquo quid de verbo id verbum per totum suum esse et sum effcum concordiae repertum est per me Gerardum de Deum notarium publicum teste mandatu mea propria signoque meo manali subsignato Bernardus de Deum notarium subscripsit |
| Afmetingen | 28.8 x 25.2 |
| Drager | Perkament |
| Archiefnummer | 293 |
| Archiefnaam | Schippersgilde Nijmegen |
| Inventarisnummer | 22 |
| Afkomstig uit archief | 293 Schippersgilde Nijmegen, inv.nr. 22 |